هل الاختراق جريمة بألمانيا؟ شو هي تعاريف و تحديدات الاختراق بالمانيا؟ شو ممكن تتصرف في حال تعرضت للاختراق؟

هل الاختراق جريمة بألمانيا؟ شو هي تعاريف و تحديدات الاختراق بالمانيا؟ شو ممكن تتصرف في حال تعرضت للاختراق؟

قانون العقوبات الالماني Strafgesetzbuch, StGB بيعرف و بيحدد الاختراق و عقوبته. القسم 202§ من القانون, المعنون بـ (Verletzung des Briefgeheimnisses) او انتهاكات سرية البيانات, بيتناول هاد الموضوع و بيفصله بالمواد الفرعية a,b,c, و الي بيدورهم بيحددوا الجريمة الالكترونية و عقوبتها, و تفصيلها هو التالي:المادة 202a§التجسس على البيانات:(1) كل شخص يحصل بشكل غير قانوني على بيانات لصالحه او لصالح الغير, وكانت تلك المواد غير مخصصة له و محمية بشكل خاص من الوصول غير المصرح به ، عبر التحايل على الحماية ، يكون عرضة للسجن لمدة لا تتجاوز ثلاث سنوات أو غرامة.(2) البيانات المقصودة في البند (1) أعلاه ، هي تلك البيانات المخزنة أو المرسلة إلكترونيًا أو مغناطيسيًا أو غير ذلك.المادة 202b§اعتراض البيانات:كل شخص يعترض البيانات المشار اليها في المادة 202a§ البند (2), وكانت تلك المواد غير مخصصة له او لصالح الغير بالمفهوم التقني, غير مخصصة للعامة, منشأها جهة غير حكومية, يكون عرضة للسجن لمدة لاتتجاوز السنتين او الغرامة, مالم تشمل الجريمة عقوبة أشد بموجب أحكام أخرى.المادة 202c§الأعمال التحضيرية لعمليات التجسس و اعتراض البيانات(1) كل من يتحضر لارتكاب جريمة معرفة بحسب المادة 202a§ أو المادة 202c§ عبر إنتاج او الاستحواذ لصالحه او لغيره, بيع, توريد للغير, أو نشره أو اتاحة بطريقة بطرق اخرى, مايلي: 1. كلمات المرور أو رموز الأمان الأخرى التي تتيح الوصول إلى البيانات المشار اليها في المادة 202a§ البند (2) ، أو2. البرمجيات لغرض ارتكاب مثل هذه الجريمة ،يعاقب بالسجن لمدة لا تزيد عن سنة أو بغرامة.(2) تطبق المادة 149§ (2) و (3) مع ما يلزم من تبديل.هلا شو بيعني هاد الحكي؟بحسب المادة 202a§ الي بتخص التجسس, اي شخص قدر انه يحصل على معلومات خاصة بالضحية المستهدفة, متل صور خاصة, معلومات خاصة بالعمل, او اي مادة مخزنة رقمياً على جهاز خاص, او حساب انترنت (ايميل, كلاود, فيس بوك, اي شي) و كانت محمية هي البيانات, يعني مثلاً مانها صورة محطوطة ع بروفايلك ع الفيس بوك, بل صورة كانت موجودة بايميل المرسل مثلاً, او اي معلومة تانية خاصة, القانون بيعاقب بالسجن لمدة لا تتجاوز 3 سنوات او فرض غرامة.بحسب المادة 202b§ و الي بتعالج جريمة اعتراض البيانات, اي حدا بيحاول يتجسس على مكالمات الهاتف الخاصة فيك, او يتجسس على ترافيك الانترنت الخاص فيك, او يعترض كلمات السر الخاصة فيك عبر التصيد (Phishing) مثلاً, بينسجن لمدة لاتتجاوز السنتين, خلي ببالك انو مجرد الاعتراض بيعني سنتين, و لكن اذا تم سرقة مواد, بتتطبق احكام المادة 202b§ و الي بتعني انو ممكن الشخص ينسجن مامجموعة 3+2 سنوات.المادة 202c§, و الي هي الجزئية الاخيرة من القانون بتخص التحضير لعمليات التجسس او اعتراض البيانات, يعني مجرد ما الشخص بلش يحضر الادوات الي راح يستخدمها بعملية الاختراق او الاعتراض, مثل برامج بتكسر كلمات السر, او انتاج كلمات سر, او اي اداة تانية بتساعد بهالشي متل برمجيات جاهزة لصناعة Malware (تطبيقات خبيثة), بيتعاقب بالسجن لمدة لاتزيد عن سنة او غرامة.مهم كتير تفهم انو المادة الاخيرة من القانون ما بتعاقب حدا نزل تطبيقات اختراق ليجرب قوة الشبكة الخاصة فيه, او الادوات الي نحن بنستخدمها لما نعملpenetration testing , القانون بيعاقب لما يكون في ادوات و يكون كمان في نية لارتكاب جريمة بحسب المواد 202a§ و 202b§, يعني مثلاً, حتى هدد حدا بعد خلاف انو راح يخترقه, و شافوا على اجهزته ادوات و معلومات بتخص الضحية, وقتها بيتطبق هاد القانون.كمان هاد القانون ممكن يتطبق في حال ارتكب حدا جرم بحسب المواد 202a§ و 202b§ و شافو انه اشترى او طور او استورد…الخ ادوات لتساعده بهالشي.بالمختصر, يعني, اذا رفيقك تركك ودخل على حسابك الشخصي بقصد الانتقام و لكونه بيعرف كلمة السر الخاصة فيكي من قبل, فراح بيتطبق عليه حتماً المادة 202a§, و في حال رفيقك السابق ماكان يعرف كلمة السر الخاصة فيكي و استخدم ادوات معينة للاختراق متل التصيد, انو بعتلك رابط مثلاً فيه شي خبيث بيساعده ع الاختراق, بتتطبق المادة 202b§ بالاضافة للمادة 202a§ في حال سرق صورك.و يا عزيزي الهاكر , في حال كان في ادوات على جهازك و كمشوك بالجرم المشهود, فراح تتطبق عليك المادة 202c§ كمان.القانون صارم جداً مقارنة مع قوانين اوربية تانية, على سبيل المثال القانون البريطاني الخاص بهيك نوع من الجرائم , computer misuse act 1990. الاحكام فيه نصف احكام القانون الالماني من ناحية مدة العقوبة.ملاحظة: المانيا دولة فيدرالية, و في مستويات كتيرة من القوانين, هون انا عم احكي على قانون فيدرالي, كتير مهم قبل ما تاخد او تاخدي اي خطوة, تعرفوا المنطقة القضائية و القانون الي بيشملكم.شكراً كتير للحدا الي بعتلي سؤال عن الموضوع, خليتني اقرأ شي مفيد اليوم 🙂

المصادر:

GERMAN CRIMINAL CODE, Gesetze-Im-Internet.De, [Online]. Available at https://www.gesetze-im-internet.de/englisch_stgb/englisch_stgb.html (Accessed 26 March 2019). Translation of the German Criminal Code provided to English, by Prof. Dr. Michael Bohlander


§ 202a StGB Ausspähen von Daten – dejure.org , [Online]. Available at https://dejure.org/gesetze/StGB/202a.html (Accessed 26 March 2019).

Share Button

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.